насоўка nasoŭka

насоўка -і, ДМ -соўцы; Р мн. -совак разм. невялікая хустачка, прызначаная для выціраньня носа або твару; насавая хустачка. ...Доктар Фаўст выцер сваю лысіну белакрухмальнай насоўкай. (Лойка) І ад таго, што вельмі часта цёр [Леў Раманавіч] па ім насоўкай, лоб і шчокі балюча гарэлі. (Асіпенка) Седзячы за сталом, бацька часта кідаў патайны позірк на такі самы, як і ва ўбогім сынавым жытле, авальны партрэт і потым доўга праціраў насоўкаю пенснэ. (Арлоў)